Railway Crime: मालाड रेल्वे स्थानकात एका कॉलेज तरुणीचा विनयभंग करून अज्ञात आरोपीने पलायन केले. याप्रकरणी बोरिवली रेल्वे पोलिसांनी विनयभंगाचा गुन्हा नोंदवून पळून गेलेल्या आरोपीचा सीसीटीव्ही फुटेजच्या मदतीने शोध सुरू केला आहे.
तक्रारदार तरुणी ही 20 वर्षांची असून, ती तिच्या कुटुंबीयांसोबत मालाड येथे वास्तव्यास आहे. शुक्रवारी सकाळी 4 वाजता पिडीत मुलगी मालाड येथून चर्चगेटला जाण्यासाठी लोकल ट्रेनने निघत होती. सकाळची वेळ असल्याने चर्चगेटला जाणाऱ्या लोकलला प्रचंड गर्दी होती. त्यामुळे ती अपंग डब्यात चढत असताना मागून एका अज्ञात व्यक्तीने तिला अश्लील स्पर्श करून तिचा विनयभंग केला होता; मात्र गर्दीमुळे तिला त्याला पाहता आले नाही.
दुसऱ्या दिवशी तिने घडलेला प्रकार बोरिवली रेल्वे पोलिसांना सांगितला. 36 तासांनंतर तिने पोलिसांना तक्रार केली होती. त्यामुळे तिची जबानी नोंदवून पोलिसांनी अज्ञात व्यक्तीविरुद्ध विनयभंगाचा गुन्हा नोंदविला आहे. या घटनेची वरिष्ठांनी गंभीर दखल घेत बोरिवली रेल्वे पोलिसांना तपासाचे आदेश दिले होते. या आदेशांनतर पोलिसांनी मालाड रेल्वे स्थानकातील सीसीटीव्ही फुटेज ताब्यात घेतले असून तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
