सबस्क्राईब करा
मुंबई, ता. ६ : प्रियकराच्या मदतीने स्वतःच्याच मुलाची हत्या करण्याचा प्रयत्न केल्याचा आरोप एका महिलेवर तिच्या पतीकडून करण्यात आला आहे. याप्रकरणी दहीसर पोलिसांनी निलम धाडवे आणि अक्षय गावड यांना अटक केली आहे.
पाच वर्षांच्या मुलाच्या शरीरावर भाजलेल्या खुणा असल्याचे दिसून आले आहे. त्याच्यावर वाडिया रुग्णालयात उपचार सुरू असून त्याची प्रकृती चिंताजनक आहे.
निलम धाडवे ही दहिसर कोकणीपाडा परिसरात वास्तव्यास आहे. २०१९ पासून तिचा पतीसोबत वाद सुरू झाल्याने त्यांनी घटस्फोट घेण्याचा निर्णय घेतला होता. तेव्हापासून पतीचे घर सोडून ती मुंबईत आली होती. पण, जून २०२३ मध्ये ती पतीकडून पाच वर्षांच्या मुलाला घेऊन आली. २८ सप्टेंबर रोजी महिलेच्या पतीला मुलाची प्रकृती गंभीर असल्याचे फोन करून कळवण्यात आले होते.
महिलेच्या पतीने मुंबईला येऊन मुलाची अवस्था पाहिल्यानंतर पोलिसांत तक्रार दिली. आपल्या मुलाला पत्नी आणि तिच्या प्रियकराने मारहाण करत जीवे मारण्याचा प्रयत्न केल्याचा आरोप त्याने केला आहे. त्यानंतर पोलिसांनी दोन्ही आरोपींना अटक केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
