डोंबिवली - डोंबिवलीतील बांधकाम व्यावसायिक प्रशांत जाधव यांना तीन दिवसांपूर्वी पैसे परत करण्यासाठी धमकीचे फोन आले होते. धमकीदाराने बिश्नोई गॅंगचा शूटर बोलतोय असे व्यावसायिकाला धमकाविले. याप्रकरणी रामनगर पोलिस ठाण्यात गुन्हा दाखल होताच पोलिसांनी दोघांच्या मुसक्या आवळल्या आहेत.
आकाश गिरी (वय 23) व इंद्रजित यादव (वय 30) या दोघांना पोलिसांनी अटक केली. या दोघांचा बिश्नोई गॅंगशी काही संबंध नाही. परंतू इंद्रजित याचे पैसे प्रशांत यांच्याकडे बाकी आहेत. ते पैसे त्यांनी इंद्रजितला परत करावे म्हणून बिश्नोई गॅंग नावाचा वापर करुन या दोघांनी त्यांना धमकी दिल्याचे पोलिस तपासात उघड झाले आहे.
डोंबिवलीतील व्हर्टीकल बिल्डर्स अॅण्ड डेव्हलपर्स कपंनीचे मालक बांधकाम व्यावसायिक प्रशांत जाधव यांना 13 ऑक्टोबरला रात्री पावणे 12 च्या सुमारास एक फोन आला. बिश्नोई गॅंगचा शूटर बोलतोय असे सांगत धमकीदाराने इंद्रजीत यादव याचे पैसे दे नाही तर तुझा मर्डर करतो अशी धमकी दिली. याप्रकरणी प्रशातं यांनी त्वरीत रामनगर पोलिस ठाण्यात तक्रार दाखल केली.
प्रशांत यांच्या तक्रारीवरुन पोलिसांनी गुन्हा दाखल करत तांत्रिक तपासाच्या आधारे आकाश गिरी याचा शोध सुरु केला. पोलिसांनी या दोघांनाही तात्काळ अटक केली. त्यांच्याकडे चौकशी केली असता इंद्रजीत यादव हा प्रशांत यांच्याकडे पूर्वी काम करत होता. त्यांच्यात पैशांचा काही व्यवहार झाला होता. त्यातील काही पैसे प्रशांत यांनी इंद्रजीतला दिले होते, तर काही शिल्लक राहीले होते. इंद्रजीत व आकाश गिरी हे एक दिवस बसले असता इंद्रजीत याने ही बाब आकाश याला सांगितली.
तेथेच त्यांनी प्रशांत यांना धमकी देण्याचा विचार करुन फोन व मॅसेज करत स्वतःला बिश्नोई गॅंगचा शूटर असल्याचे सांगितले होते. पोलिसांनी दोघांना अटक केली असून त्यांचा बिश्नोई गॅंगशी काही संबंध आढळून आला नाही. याचा अधिक तपास पोलिस करत असल्याचे रामनगर पोलिस ठाण्याचे वरिष्ठ पोलिस निरीक्षक नितीन गिते यांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
