Thane News : सुरेश (बाळ्यामामा) म्हात्रे यांच्या गोदामवर कारवाई; राजकीय दबावातून कारवाईची आरोप

ठाणे - लोकसभा निवडणुकांचे बिगुल वाजले असून गेल्या अनेक दिवसांपासून भिवंडी लोकसभेच्या उमेदवारीवरून महाविकास आघाडीत खलबते सुरु होते. त्यात गुरुवारी राष्ट्रवादी शरदचंद्र पवार गटाचे सुरेश बाळ्यामामा म्हात्रे यांना भिवंडी लोकसभेची उमेदवारी जाहीर झाली. या घोषणेला काही तास होत नाही तोच, त्यांच्या आर के लॉजी वर्ल्ड या गोदाम संकुलावर एमएमआरडीए कडून कोणतीही नोटीस न देता कारवाईचा घट घालण्यात आला होता.

मात्र, या बोडवून बाबत न्यायालयाकडून स्थगिती घेतली असल्याची माहिती देता, त्यांना खाली हात परतावे लागले. तर, हि कारवाई राजकीय दबावातून करीत असल्याची टीका सुरेश महत्रे यांनी प्रसार माध्यमांशी बोलताना व्यक्त केली.

भिवंडी लोकसभेच्या जागेसाठी महाविकास आघाडीतून गुरुवारी सुरेश बाळ्यामामा म्हात्रे यांना राष्ट्रवादी शरदचंद्र पवार गटातून उमेदव्री जाहीर करण्यात आली. या उमेदवारीची घोषणा होत नाही, तोच महत्रे यांच्या भिवंडी येथील येवाई येथे असलेल्या आर के लॉजी पार्क गोदाम संकुलावर एमएमआरडीएकडून गुरुवारी सायंकाळी कोणतीही नोटीस न बजावता सिल करण्याची कारवाईसाठी आले होते.

यावेळी एमएमआरडीएचे अधिकारी पोलिस फौजफाटा घेऊन दाखल झाले. यावेळी सुरेश म्हात्रे यांच्या भागीदार सहकाऱ्यांनी संपूर्ण तालुक्यातील गोदाम बांधकामांना संरक्षण देण्यासाठी शासनाने अध्यादेश काढले आहेत. त्यानुसार सर्व बांधकाम संरक्षित करण्यासाठी प्रस्ताव दाखल केला असल्याचे व उच्च न्यायालयातून स्थगिती आदेश घेतली असल्याची माहिती दिली. त्यानंतर कारवाई करण्यासाठी आलेले एमएमआरडीएचे अधिकारी रिकाम्याहती परतले.

दरम्यान, यासंदर्भात सुरेश म्हात्रे यांना विचारले असता, मी उभ्या केलेल्या गोदाम व्यवसायातून ९० हजार युवकांना रोजगार उपलब्ध करून दिला. तालुक्यात अनधिकृत गोदाम व्यवसाय भ्रष्ट्राचाराची जननी कपिल पाटील यांनीच घातली आहे, असा आरोप सुरेश म्हात्रे यांनी केला.

एमएमआरडीए राजकीय दबावातून कारवाई करीत असून जिनके घर शिसे के होते है, ओ दुसरे के घर पर पत्थर नहीं फेका करते अशा शब्दात सुरेश म्हात्रे यांनी भाजपा उमेदवार कपिल पाटील यांच्यावर पलटवार केला.