दादर भाजी मार्केटमध्ये रोज होणाऱ्या गर्दीवर महापौरांचं उत्तर

मुंबई: मुंबईत ज्या रुग्णालयात ऑक्सिजनची कमतरता आहे, तिथून रुग्णांना जम्बो कोविड सेंटरमध्ये हलवण्यात येत असल्याची माहिती मुंबईच्या महापौर किशोरी पेडणेकर यांनी दिली. मुख्यमंत्री उद्धव ठाकरे यांनी काल सगळ्यांची पुन्हा बैठक घेतली व ऑक्सिजनचा तुटवडा कसा भरुन काढता येईल, याविषयी चर्चा आणि विचारविनिमय केल्याचे महापौरांनी सांगितले. किरीट सोमय्यांनी आरोप केलाय की, खासगी रुग्णालयात कोविड पेशंटना जबरदस्तीने डिस्चार्ज घ्यायला सांगितलं जातय, त्यावर महापौरांनी "आम्ही पेशंटना वाऱ्यावर सोडत नाहीय. शक्य असेल तिथे जम्बो कोविड सेंटरमध्ये पाठवतोय" असे सांगितले.

दादर भाजीपाला मार्केट मध्ये नागरिकांची सतत गर्दी पाहायला मिळते. कोरोनाचा पहिल्या टप्यात दादर मार्केटचे तीन जागी विभाजन करण्यात आले होते. गर्दी वाढतेय मग या मार्केटचे विभाजन का केले जात नाही? या प्रश्नावर महापौरांनी, "बाजारपेठांची विभागणी केली पाहिजे असं मला वाटतं, पण ते का होत नाहीय हे मला कळत नाहीय" असे उत्तर दिले.

गुजरात मधून रेमडेसिव्हीर आणण्यावरून मोठे राजकारण रंगतांना पाहायला मिळत आहे. महापौर किशोरी पेडणेकर यांनी खोचक टीका केली आहे. "लोकशाहीच्या आणि प्रशासनाच्या पद्धतीने लस यायला हवी. कोणीही कुठून ही लस आणेल हे कसे चालेल. लोकांचा जीव वाचायचा असेल तर भाजपाने सोबत यावे" असे महापौर म्हणल्यात.