दीपिका पदुकोणच्या मॅनेजरचा अटकपूर्व जामीनासाठी विशेष न्यायालयात अर्ज

मुंबई: अभिनेत्री दीपिका पदुकोणची मॅनेजर करिश्मा प्रकाशने अटकपूर्व जामीनासाठी शनिवारी विशेष न्यायालयात अर्ज दाखल केला. मंगळवारी यावर सुनावणी होण्याची शक्यता आहे.

अभिनेता सुशांतसिंह राजपूत आत्महत्या प्रकरणात अंमलीपदार्थ संबंधित तपास एनसीबी करत आहे. यामध्ये आरोपी करमजीतच्या चौकशीत करिश्माचे नाव उघड झाले आहे. पोलिसांनी यापूर्वी तिला चौकशीला बोलावले होते. आता पुन्हा तिला समन्स बजावण्यात आले आहे. मात्र तरीही ती चौकशीला हजर झालेली नाही. आता तिने विशेष न्यायालयात अटकपूर्व जामीनासाठी अर्ज केला आहे. 

अधिक वाचाः  मध्य रेल्वेचे वाहनतळ पुन्हा सुरू होणार; प्रवाशांना मिळणार दिलासा

करिश्माच्या वर्सोवा येथील घरात 1.7 ग्रॅम चरस आणि सीबीडी आयलच्या तीन बाटल्या पोलिसांना मिळाल्या आहेत असे सांगण्यात येते. यावेळी ती घरामध्ये नव्हती. त्यामुळे तिच्या अडचणीत वाढ झाली आहे. यापूर्वी दीपिका आणि तिच्या चॅटमधून ड्रग्सबाबतीत महत्त्वाचे खुलासे उघड झालेत. एनसीबीने दोघींनाही चौकशीसाठी बोलविले होते.

अधिक वाचाः  मुंबईत दिवाळी दरम्यान कोरोना संसर्ग वाढण्याची भीती! वैद्यकीय तज्ज्ञांचे मत

गेल्या महिन्यात नार्कोटिक्स कंट्रोल ब्युरोने घरी छापा टाकला होता.  अटक केलेल्या पॅडलर्सशी केलेल्या चौकशीत आणि तांत्रिक माहितीच्या आधारे एनसीबीला कळले की करिश्मा प्रकाश या ड्रग्ज पॅडलर्सच्या नियमित संपर्कात होती.

----------------------------

(संपादनः पूजा विचारे)

Deepika Padukone manager Karishma Prakash filed application special court seeking pre arrest bail