'आमच्या लग्नात पंगतीला...' ३५ पुरणपोळ्यांवर फडणवीसांचं पहिलं स्पष्टीकरण

राज्याचे विरोधीपक्षनेते देवेंद्र फडणवीस हे सतत राजकीय वर्तुळात चर्चेचा विषय ठरतात. अजित पवारांसोबत घेतलेल्या पहाटेच्या शपथविधीनंतर राज्यात नव्याने राजकीय समिकरणं अस्तित्वात आली. मात्र, वेळोवेळी सत्ताधाऱ्यांना कचाट्यात पकडण्यात ते कायम उजवे ठरले आहेत. (Devendra Fadnavis Explains Puranpoli eating habit)

त्यांच्यासोबतच पत्नी अमृता फडणवीस या देखील सर्वसामान्यांमध्ये चघळला जाणारा विषय आहेत. अमृता फडणवीस यांची गाणी, त्याचे विविध सार्वजनिक कार्यक्रम आणि शेर-ओ-शायरी असणारे ट्वीट्स माध्यमांमध्ये चर्चेत असतात.

अशाच एका रिअॅलिटी शो मध्ये अमृता यांनी देवेंद्र फडणवीसांनी ३५ पुरणपोळ्या पातेलंभर तुपासोबत संपवल्याचा उल्लेख केला होता. यानंतर सोशल मीडियावर त्यांना ट्रोल करण्यात आलं. मात्र देवेंद्र फडणवीसांनी यावर अद्याप स्पष्टीकरण देणं टाळलं होतं. अखेर 'सकाळ सन्मान सोहळ्यात' त्यांनी ३५ पुरणपोळ्यांवर भाष्य केलं.

आणि उपस्थितांमध्ये हशा पिकला. फडणवीस खरंच ३५ पुरणपोळ्या खायचे का, असा प्रश्न अनेकांनी उपस्थित केला होता. याचं उत्तर ही त्यांनी दिलंय. फडणवीसांनी त्यांच्या लग्नातील किस्सा शेअर करत याची माहिती दिली.