Devendra Fadnavis: जेव्हा जेव्हा अन्याय होईल तेव्हा तेव्हा एकनाथ शिंदे जन्म घेतील, फडणवीसांना आठवलं महाभारत

Devendra Fadnavis:  भाजपची महाविजय अभियान २०२४ ची कार्यशाळा आज मुंबईत भिवंडी येथे पार पडली. राज्यभरातील महत्त्वाचे नेते या कार्यशाळेत आले होते. यावेळी देवेंद्र फडणवीस यांनी उपस्थित नेत्यांना संबोधित केले. तसेच त्यांनी विरोधकांना देखील टोला लगावला आहे.

लोक म्हणतात तुम्ही पक्ष फोडला, घर फोडलं मी म्हणतो की सुरुवात कोणी केली. जनादेशाचा अपमान कुणी केला? अजित पवार आणि एकनाथ शिंदे छोटे नेते आहेत का?. मी मोहिनी टाकेल आणि ते इकडे येतील. पण मी एक सांगतो की जेव्हा-जेव्हा अन्याय होईल तेव्हा तेव्हा एकनाथ शिंदे जन्म घेतील, असे देवेंद्र फडणवीस यांनी स्पष्ट केले.

एकनाथ शिंदे यांच्यासोबत इमोशनल मैत्री आहे. तर अजित पवार यांच्यासोबत राजकीय मैत्री आहे. भविष्यात तेही इमोशनल मित्र होतील, असेही फडणवीस म्हणाले.

फडणवीस म्हणाले, जगाच्या पाठीवर आज मोदीजींनी नाव केल आहे. गरिबी कमी केली. आज सगळे लोक मोदींजींच्या विरोधात एकत्र येत आहेत. मात्र आपल्याला जेव्हा सर्वांना एकत्र घेण्याची गरज असेल तेव्हा घेऊ. मात्र काँग्रेसचे विचार चालणार नाहीत. ते विचार तुष्टीकरणाचे आहेत. एमआयएमला देखील कधी सोबत घेणार नाही.