प्रेयसीकडून प्रियकराचा चाकूने वार करून हत्या केल्याची पुण्यातील वाघोली भागातील घटना ताजी असतानाच, मुंबईच्या धारावी परिसरातून अशीच एक धक्कादायक घटना समोर आली आहे. धारावीत प्रियकरानेच प्रेयसीला जिवंत जाळण्याचा प्रयत्न केला आहे. यामध्ये तरुणी ६०% ते ७०% भाजली आहे. धक्कादायक बाब म्हणजे, पीडितेवर पेट्रोल टाकून जाळण्याचा प्रयत्न केला आहे.
मिळालेल्या माहितीनुसार, पीडित तरूणीला जिवंत जाळण्याचा प्रयत्न तिच्या लिव्ह-इन पार्टनरने केला आहे. यात तरुणी गंभीर रित्या भाजली अजून तिला तातडीने सायन रुग्णालयात दाखल करण्यात आलं आहे. या धक्कादायक घटनेनं संपूर्ण धारावी हादरून गेली आहे.
या प्रकरणी ४१ वर्षीय आरोपी नंदकिशोर पटेल याला पोलिसांनी अटक केली असून त्याच्यावर कलम ३०७ नुसार गुन्हा दाखल केला आहे. तर या प्रकरणी १६ वर्षीय मुलाला देखील ताब्यात घेतले आहे.
काही दिवसांपूर्वी पुण्यातील वाघोली परिसरात प्रेयसीकडून प्रियकराचा चाकूने वार करून खून केल्याचा धक्कादायक प्रकार समोर आला होता.
प्रियकर आणि प्रेयसी दोघेही मागील काही महिन्यांपासून वाघोली परिसरात एका भाड्याच्या फ्लॅटमध्ये राहत होते. या दोघांमध्येही प्रेम संबंध होते. मात्र पहाटेच्या सुमारास प्रियकराचा मृतदेह रक्ताच्या थारोळ्यात सापडला होता. या घटनेची माहिती मिळताच लोणीकंद पोलीस घटनास्थळी येवून. प्रियकराला तातडीने रुग्णालयात नेण्यात आले. मात्र त्याआधीच त्याचा मृत्यू झाला होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
