मुंबईतील धारावी येथील मशिदीतील कथित बेकायदा बांधकाम हटवण्यासाठी बीएमसीची टीम शनिवारी सकाळी दाखल झाली. पथक येताच मोठा जमाव जमला. त्यांच्या वाहनावरही हल्ला करून त्याची काच फोडण्यात आली. लोक बीएमसीच्या कारवाईचा निषेध करत होते. याप्रकरणी आता मोठा खुलासा झाला आहे.
मुंबई पोलिसांचे म्हणणे आहे की धारावी पोलीस स्टेशनपर्यंत सुमारे 5 हजार लोकांचा जमाव जमला होता. या गर्दीत अनेक बाहेरचे लोकही होते. धारावी बाहेरून आलेल्या या लोकांची पोलीस ओळख पटवत आहेत. बीएमसीच्या तोडफोडीच्या कारवाईच्या विरोधात जमाव जमवण्यासाठी भडकाऊ पोस्ट आणि व्हिडिओ बनवण्यात आल्याचंही तपासात समोर आलं आहे. या पोस्ट आणि व्हिडिओ शुक्रवारी रात्रीपासून व्हायरल होऊ लागले. पोलिसांनी या भडकाऊ पोस्ट्स आणि व्हिडिओंची ओळख पटवली असून आरोपींचा शोध सुरू केला आहे.
धारावी पोलिसांनी बेकायदेशीरपणे जमाव जमवणे आणि BMC वाहनाची तोडफोड करणे (सार्वजनिक मालमत्तेचे नुकसान करणे) या कलमांखाली गुन्हा दाखल केला आहे. धारावीतील मशीद परिसरात सकाळी मोठी गर्दी झाली होती. त्यामुळे वाहनांची वाहतूक विस्कळीत झाली होती. आंदोलक रस्त्यावर बसले. यानंतर पोलिसांचे पथक आले आणि त्यांची समजूत काढण्याचा प्रयत्न केला. वाहने जाऊ शकतील यासाठी त्यांना बाजूला करण्याचे आवाहन करण्यात आले. त्यांची समजूत काढण्यासाठी स्थानिक लोकही पुढे आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
