मुंबई : येस बँक गैरव्यवहार प्रकरणात गुन्हा दाखल झालेल्या दिवाण हाऊसिंग फायनान्स कॉर्पोरेशन लि. (DHFL) वतीने मुंबई उच्च न्यायालयात (Mumbai high court) याचिका (petition) करण्यात आली आहे. सीबीआयने (CBI) दाखल केलेला गुन्हा रद्द करण्याची मागणी याचिकेत केली आहे.
सीबीआयने डीएचएफएलसह प्रवर्तक धीरज वाधवान आणि कपील वाधवान आणि बँकेचे संस्थापक राणा कपूर यांच्या विरोधात गुन्हा नोंदवला आहे. तसेच कंपनीच्या दिवाळखोरीबाबत राष्ट्रीय कंपनी विधी लवादाकडे तक्रार केली आहे. ही कारवाई रोखण्यासाठी डीएचएफएलने विशेष न्यायालयात अर्ज केला होता. मात्र हा अर्ज नामंजूर करण्यात आला. तसेच न्यायालयाने कंपनीच्या वतीने वाधवान यांच्यावर कारवाई करण्याचे निर्देश दिले आहेत. याविरोधात कंपनीने उच्च न्यायालयात याचिका केली आहे. न्या संदीप शिंदे यांच्या पुढे यावर सुनावणी झाली.
याचिकेला सीबीआयच्या वतीने विरोध करण्यात आला आहे. लवादाच्या आदेशाविरोधात अपिलीय लवादापुढे याचिका करायला हवी, त्यामुळे न्यायालयात सुनावणी होऊ शकत नाही. तसेच लवादाचा आदेश कायदेशीर आहे, असा युक्तिवाद वकील हितेन वेणेगावकर यांनी केला. याचिकेवर पुढील सुनावणी ता. 27 रोजी होणार आहे. दरम्यान, ईडिने देशमुख यांच्या विरोधात केलेल्या याचिकेवर महानगर दंडाधिकारी न्यायालयात ता. 28 रोजी युक्तिवाद होणार आहेत. देशमुख समन्स बजावूनही हजर राहत नाहीत, त्यामुळे त्यांच्यावर कारवाई करावी अशी मागणी ईडिने केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
