मुंबई: राज्यातील खड्ड्यांच्या (potholes) स्थितीबाबत मुख्यमंत्री उद्धव ठाकरे (uddhav thackeray) यांनी आज संध्याकाळी ६ वाजता तातडीची बैठक बोलवली आहे. राज्यातील खड्ड्यांबाबत राज्य मंत्रिमंडळाच्या बैठकीत (cabinet meeting) गंभीर चिंता व्यक्त करण्यात आली होती. मुंबई, (Mumbai) कल्याण-डोंबिवलीचं नव्हे, तर राज्यातल्या सर्वच भागात पावसामुळे जागोजागी खड्डे पडले आहेत.
रस्त्यात खड्डे आहेत की, खड्ड्यांमध्ये रस्ते असा प्रश्न अनेकांना पडला आहे. राज्यातील राष्ट्रीय आणि राज्य महामार्गांवर पडलेल्या खड्यांवर आजच्या बैठकीत चर्चा होईल. मुख्यमंत्र्यांनी बोलवलेल्या बैठकीला उपमुख्यमंत्री आणि सर्व वरिष्ठ मंत्री आणि अधिकारी उपस्थित राहणार आहेत. आता याच मुद्दावरुन कणकवलीचे भाजपा आमदार आणि नारायण राणेंचे पुत्र नितेश राणे यांनी मुख्यमंत्र्यांवर निशाणा साधला आहे.
"मुख्यमंत्री सर्व संबंधित यंत्रणांना भेटत आहेत व मुंबईतील रस्त्यांवरील खड्डयांची जबाबदारी इंजिनिअर्सवर निश्चित करत आहेत. रस्ते बनवणाऱ्या कंत्राटदारांना कर दात्यांचा पैसा दिला जातो. पण तरी ते त्यांचे काम चोख करत नाहीत. मग मुख्यमंत्री कंत्राटदारांना शासना का करत नाही?" असा सवाल नितेश राणे यांनी विचारला आहे.
"शिवसेनेच्या जवळ असलेल्या कंत्राटदारांवर कारवाई करण्याची मुख्यमंत्र्यांमध्ये धमक आहे? की, ही फक्त नौटंकी आहे" अशी टीका नितेश राणे यांनी केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
