Dog Died Due To Poision : मालाड पश्चिमेतील रहिवासी सोसायटीत बुधवारी उंदीर मारण्यासाठी ठेवलेला विषारी पदार्थ खाऊन पाळीव श्वानाचा मृत्यू झाला असून याप्रकरणी मालवणी पोलिसांनी सोसायटीमध्ये पेस्ट कंट्रोलचे काम करणाऱ्या व्यक्तीविरोधात गुन्हा दाखल केला. एलियल गोन्सालविस असे त्याचे नाव आहे.
तक्रारदार प्रकाश अयंगार मालाड पश्चिमेतील मढ परिसरात वास्तव्यास आहेत. तक्रारदारांनी सोसायटीमध्ये चार ते पाच श्वान पाळले होते. बुधवारी इमारतीच्या वाहनतळ परिसरात त्यांचा सिम्बा नावाचा श्वान बेशुद्धावस्थेत आढळला. त्याबाबतची माहिती मिळताच अयंगार यांनी त्याला तात्काळ मालाडमधील खासगी क्लिनिकमध्ये नेले. तपासणीनंतर श्वानाचा मृत्यू झाल्याचे डॉक्टरांनी सांगितले.
चौकशीदरम्यान एलियलने उंदीर मारण्यासाठी विष मिसळलेले खाद्यपदार्थ विविध ठिकाणी ठेवल्याचे समोर आले. वाहनतळातील विषारी पदार्थ खाल्ल्याने ‘सिम्बा’चा मृत्यू झाल्याचे समजताच पोलिसांनी प्राण्यांचा छळ केल्याप्रकरणी त्याच्याविरोधात गुन्हा दाखल केला. याप्रकरणी अद्याप कोणाला अटक करण्यात आलेली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
