Latest Dombivali News: शिवसेना ठाकरे गटातील नाराज पदाधिकारी सदानंद थरवळ यांनी मंगळवारी भाजप उमेदवार रविंद्र चव्हाण यांची भेट घेत त्यांना शुभेच्छा दिल्या. त्यांच्या भेटीचा फोटो सोशल मीडियावर व्हायरल झाला असून थरवळ हे भाजपच्या वाटेवर असल्याची चर्चा आणखी जोर धरू लागली आहे.
भाजपचे आमदार रवींद्र चव्हाण यांनी थरवळ आणि माझे अनेक वर्षाचे ऋणानुबंध असून निवडणुक अर्ज भरण्यासाठी नेहमीप्रमाणे ते यंदा देखील माझ्यासोबत आल्याचे म्हटले आहे. याभेटीतून शिवसेना ठाकरे गटाचे उमेदवार दीपेश म्हात्रे यांना भाजप काही संदेश देऊ इच्छिते का ? अशी चर्चा राजकीय वर्तुळात सुरू आहे.
