डोंबिवली (जि. ठाणे) - दुपारी दोन वाजताची वेळ. सर्वत्र शांतता असताना अचानक मोठा आवाज झाला आणि काही क्षणांत आगीचा मोठा लोळ उंचच उंच उडाला. सर्वत्र धूरच धूर दिसत होता. दोन ते तीन किलोमीटरपर्यंतच्या परिसरात स्फोटाचे हादरे बसले.
स्फोटाची तीव्रता एवढी होती की, दुकाने, घरांवरचे लोखंडी रॉड उडून मोठे नुकसान झाले. काचा फुटून त्या अंगावर पडल्याने अनेक जण जखमी झाले. तीन ते चार किलोमीटरवरील डोंबिवली रेल्वे स्थानकही हादरले. नेमके काय झाले आहे, हे कुणालाच कळत नव्‍हते. जो तो सैरावैरा पळत होता. कुणाचे डोके फुटले होते, तर कुणाचा हात तुटला होता. २६ जखमीना एम्स रुग्णालयात दाखल केले. रुग्णालयातील कर्मचाऱ्यांनी त्यांच्यासाठी रक्तदान केले.
धुरामुळे दमछाक
कल्याण-डोंबिवली, ठाणे, उल्हासनगर महापालिकेच्या अग्निशमन दलाच्या दहा ते बारा गाड्या घटनास्थळी दाखल झाल्या; मात्र प्रचंड प्रमाणात धूर पसरलेला असल्याने कोणत्या कंपनीला आग लागली आहे, किती कंपन्यांचा आगीने ताबा घेतला आहे, याचा अंदाजच येत नव्‍हता. त्यामुळे अग्निशमन दलाच्या जवानांची मोठी दमछाक झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.