डोंबिवली - धाकट्या भावाची तक्रार केल्याने थोरल्याने थेट एका तरुणावर कोयत्याने वार करत त्याला गंभीर जखमी केल्याची घटना कल्याण पूर्वेत घडली आहे. हा सर्व प्रकार सीसीटीव्ही मध्ये कैद झाला असून, याप्रकरणी चार जनांविरोधात कोळसेवाडी पोलीस ठाण्यात गुन्हा दाखल करण्यात आला आहे. आकाश चव्हाण, साहिल मोरे, तुषार वाल्मिकी आणि राहुल गौड अशी गुन्हा दाखल झालेल्या आरोपींची नावे आहेत. जखमी तरुणावर मुंबईच्या शासकीय रुग्णालयात उपचार सुरू आहेत.
कल्याण पूर्वेतील विठ्ठलवाडी परिसरात आनंद सिंह तोमर (वय-26) हा रिक्षाचालक रहातो. याचं परिसरात आकाश चव्हाण सुद्धा राहतो. आकाश याचा लहान भाऊ आनंदच्या आईशी सारखा भांडण करायचा. यामुळे आनंद आपला मित्र राम कनोजिया सोबत आकाशकडे गेला.
आनंदने आकाशकडे त्याच्या भावाबाबत तक्रार केली. मात्र या तक्रारीचा आकाशला राग आला. आकाशने आनंद आणि राम यांना शिवीगाळ आणि मारहाण करण्यास सुरवात केली. दरम्यान आकाशचा मित्र साहिल मोरे याने राम कनोजिया याच्या डाव्या हातावर कोयत्याने वार केला.
मित्राला वाचवण्यासाठी गेलेल्या आनंदवरही साहिलने वार केला. यानंतरही आरोपीने दोघांना धमकी दिली. आनंद आणि रामने कोळसेवाडी पोलीस ठाणे गाठत तक्रार दाखल केली. आनंद याच्या तक्रारीवरून कोळसेवाडी पोलिसांनी गुन्हा दाखल करून घेतला आहे. या हल्ल्यात राम याच्या हातावर आणि मानेवर गंभीर जखमा झाल्याने त्याला मुंबईच्या शासकीय रुग्णालयात उपचारासाठी दाखल करण्यात आले आहे. हल्ल्याची थरारक घटना सीसीटीव्हीत कैद झाली आहे.
दरम्यान कोळसेवाडी पोलीस स्टेशन हद्दीत गंभीर गुन्हे घडत आहेत, तरीही पोलिसांचा वचक आणि भीती गुन्हेगारांना नसल्याचे दिसून येते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.