Latest Dombivali News: डोंबिवलीतील शिवसेना ठाकरे गटाचे निष्ठावंत उपनेते व ज्येष्ठ शिवसैनिक सदानंद थरवळ यांनी शिंदे गटात प्रवेश केला आहे. ठाकरे गटाकडून विधानसभेची उमेदवारी न दिल्याने नाराज झालेल्या थरवळ यांनी ठाकरे गटाला सोडचिठ्ठी दिली होती. त्याचवेळी ते शिंदे गटात प्रवेश करणार असल्याची जोरदार चर्चा होती.
अखेर त्यांनी ठाकरे गटाला अखेरचा 'जय महाराष्ट्र' म्हणत शिंदे गटात पक्षप्रवेश केला. यावेळी यांच्यासह त्यांचा मुलगा अभिजित थरवळ आणि असंख्य शिवसैनिकांनीही हाती भगवा झेंडा घेत शिवसेनेमध्ये पक्षप्रवेश केला.
