डोंबिवली: डोक्यावर कर्जाचे ओझे त्यात मालकाने नोकरीवरून काढले याचा राग असल्याने त्याने शॉप मध्ये चोरी करत मालकाचा मोबाईल व 18 हजाराची रोख रक्कम चोरून नेली. चोरीचा संशय येऊ नये म्हणून बनावट चावी तयार करून घेतली.
मात्र तो सीसीटीव्ही मध्ये कैद झाला आणि मालकाने त्याला ओळखतात रामनगर पोलिसांनी त्याच्या हातात बेड्या ठोकल्या. विकास बरवटे (वय 35) असे अटक आरोपीचे नाव आहे.
डोंबिवली पूर्व येथील चार रस्ता परिसरात नथिंग बट चिकन शॉपचे दुकान आहे. 22 जून ला रात्री चोरट्याने चोरट्याने शॉपचे शटर उघडून दुकानातील 18 हजार रुपये रोख रक्कम व 10 हजार रुपये किंमतीचा मोबाईल चोरी करून नेला होता.
दुसऱ्या दिवशी दुकान उघडलले असता दुकानात चोरी झाल्याची बाबा दुकान मालकाच्या लक्षात आली. या चोरी प्रकरणी मालकाने रामनगर पोलीस ठाण्यात तक्रार दाखल केली.
दाखल तक्रारीनुसार रामनगर पोलीस ठाण्याचे गुन्हे प्रकटीकरण पथकाचे सहाय्यक पोलीस निरीक्षक योगेश सानप, पोलीस हवालदार विशाल वाघ, प्रशांत सरनाईक, नितीन सांगळे, राठोड यांच्या पथकाने तपास सुरू केला.
शटर बनावट चवीच्या सहाय्याने उघडले गेले असून सीसीटीव्ही मध्ये एक व्यक्ती तोंड बांधून जाताना पोलीस तपासात आढळून आले.
पोलिसांनी संशयित व्यक्तीची ओळख पटवली असता तक्रारदाराने सदर व्यक्ती विकास बरबटे असून पूर्वी याच शॉप मध्ये काम करत असल्याचे सांगितले. मिळालेल्या माहितीनुसार पोलिसांनी सापळा रचून दावडी येथून अटक केली.
पोलीस तपासात विकास याने डोक्यावर झालेल्या कर्जामुळे व त्यास नोकरीवरुन काढुन टाकल्यामुळे त्याचा बदला घेण्याकरीता सदरचा गुन्हा केल्याची कबुली दिली. पोलिसांनी त्याच्याकडून चोरी केलेला मोबाईल व कॅश असा एकुण 25 हजार रुपये किंमतीचा मुददेमाल जप्त केला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
