BMC Scam: बीएमसी उपायुक्त बिरादार यांच्या घरी ईडीची छापेमारी; 12 तासानंतरही झाडाझडती सुरूच

ठाकरे गटाचे आमदार आदित्य ठाकरेंचे निकटवर्तीय सूरज चव्हाण आणि खासदार संजय राऊतांचे पार्टनर सुजीत पाटकर या दोघांच्याही घरी काल ईडीने धाडी टाकल्या. त्यानंतर मुंबई पालिकेतील उपायुक्त रमाकांत बिरादार यांच्या घरी ईडीची छापेमारी करण्यात आली आहे. कोरोना काळातील कथित घोटाळा प्रकरणांमध्ये या धाडी टाकण्यात आल्याची माहिती आहे. या धाडसत्रामुळे राजकीय वर्तुळात एकच खळबळ उडाली आहे.

मुंबई महापालिकेचे उपायुक्त रमाकांत बिरादार यांच्या घरी ईडीने छापे टाकले आहेत. कोव्हिड काळातील कथित घोटाळ्याप्रकरणी ही धाड टाकण्यात आली आहे. रमाकांत बिरादार हे आदित्य ठाकरे यांचे निकटवर्तीय आहेत. काल या प्रकरणी आदित्य ठाकरे यांचे निकटवर्तीय सूरज चव्हाण तसेच आत्तिरिक्त आयुक्त संजीव जयस्वाल यांच्या घरी धाडी टाकण्यात आल्या होत्या.

मुंबई महापालिकेचे उपायुक्त रमाकांत बिरादार यांच्या घरावर ईडीने सकाळी धाड टाकली आहे. गेल्या 12 तासांपेक्षा जास्त काळापासून त्यांची चौकशी सुरू आहे. कोविड काळातील कथित घोटाळा प्रकरणांमध्ये या धाडी टाकण्यात आल्याची माहिती आहे. मुंबई महानगरपालिकेचे माजी वरिष्ठ अधिकारी संजीव जयस्वाल आणि इतर महानगर पालिका अधिकाऱ्याच्या घरीही ईडीची छापेमारी करण्यात आली आहे.

नेमकं काय आहे प्रकरण ?

कोरोना काळात मुंबईमध्ये अनेक कोविड सेंटर उभारण्यात आले होते. मुंबईतील दहिसर येथे असेच एक कोविड सेंटर स्थापन करण्यात आलं होतं. संजय राऊत यांचे निकटवर्तीय सुजित पाटकर यांनी हे कोविड सेंटर बांधलं असल्याचा आरोप वारंवार केला जातो. या कामासाठी सुजित पाटकर यांनी रातोरात कंपनी स्थापन केली. ज्याला लाईफलाइन हॉस्पिटल मॅनेजमेंट सर्व्हिस असं नाव देण्यात आलं होतं असं बोललं जातं.