मुंबई : शिवसेनेचा दसरा मेळावा आझाद मैदानात पार पडत आहे. यावेळी मुख्यमंत्री एकनाथ शिंदे यांनी विरोधकांवर जोरदार हल्ला चढवला. आम्ही सत्तेत आल्यानंतर हे सरकार टिकणार नाही असं ते म्हणत होते. पण तुमचा एकनाथ शिंदे ठासून-घासून राहिला, अशा शब्दांत मुख्यमंत्री मेळाव्यात विरोधकांवर बरसले.
एकनाथ शिंदे म्हणाले, माविआ सरकार घालवून आपलं सरकार आलं तर सरकार टिकणार का? असा सवाल ते करत होते पण तुमचा एकनाथ शिंदे ठासून घासून राहिला. मला हालक्यात घेऊ नका, कट्टर शिवसैनिक आपले विचार आणि मैदान कधीही सोडत नाही. आज जिकडे एकनाथ शिंदे जातो तिकडे सगळे आशीर्वाद देतात. दोन वर्षात कमी काळात आपलं सरकार हे लाडकं सरकार झालं आहे. आपलं सरकार शेतकऱ्यांचं सरकार आहे. अन्यायाला लाथ मारा असं बाळासाहेब म्हटले होते, अन्याय व्हायला लागला तेव्हा उठाव करायला लागला.
हिदू बांधवांनो माता भगिनींनो असं बाळासाहेब ठाकरेंनी म्हटलं की अंगावर रोमांच यायचे. आता काही लोकांना हिदू म्हणायची लाज वाटते, आपल्याला मात्र स्वभिमान आणि अभिमान वाटतो. बाळासाहेब सारख्या हिऱ्यापोटी गारगोटी जन्माला आला आहे. अनेक लोक येत आहेत, शिवसैनिकांचा महासागर येत आहे, अशा शब्दांत शिंदेंनी हल्लाबोल केला.
अनेक कामांना माविआ काळात ब्रेक लागला, इथं ब्रोकर नव्हता तर स्पीड ब्रेकर केले. आम्ही स्पीड ब्रेकर उखडून टाकली आणि नवीन सरकार आणलं. माझी दाढी खुपते त्यांना, पण होती दाढी म्हणून केली उध्वस्त मावीआची आघाडी, अशी कोटीही यावेळी मुख्यमंत्र्यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.