Latest Political News: विधानसभा निवडणुकीच्या पार्श्वभूमीवर इच्छुक उमेदवार आपले आपले वजन तोलू पहात आहेत. मतदारसंघातील इच्छुक विरोधकांना टक्कर देण्यासाठी तसेच विजयाची माळ खेचून आणण्यासाठी कट्टर विरोधक राजू पाटील व श्रीकांत शिंदे एकत्र आल्याचे कल्याण लोकसभा मतदारसंघात पहायला मिळाले आहे.
आता विधानसभा निवडणुकीत डोंबिवली मतदारसंघात चव्हाण विरुद्ध कोण हा मुद्दा चर्चेत आहे. त्यातच शिंदे गटातील कट्टर विरोधक दीपेश म्हात्रे व रमेश म्हात्रे हे एकत्र आल्याचे फोटो सोशल मीडियावर व्हायरल होत आहेत. गणपती दर्शनासाठी हे विरोधक एकत्र आले असले तरी शिवसेनेतील ही नांदी आहे की आणखी काही या राजकीय चर्चांना उधाण आले आहे.
