मुंबई : मुख्यमंत्रीपदासाठी मविआत रस्सीखेच सुरु असल्याचा आरोप करताना मुख्यमंत्री एकनाथ शिंदे यांनी उद्धव ठाकरेंवर जोरदार निशाणा साधला आहे. त्यांचा चेहरा चालणार नाही हे काँग्रेस-राष्ट्रवादीला चांगलंच माहिती आहे, मग हा चेहरा महाराष्ट्राला कसा चालेल? असा प्रश्न करत त्यांनी ठाकरेंवर टोला लगावला आहे.
"मलाच मुख्यमंत्री करा अशा मागणी उद्धव ठाकरे करत आहेत. पण त्यांचा चेहरा चालणार नाही हे त्यांच्या मित्रपक्षांनाच वाटतं आहे. मग तो महाराष्ट्राला कसा चालेल?" अशा शब्दांत एकनाथ शिंदे यांनी उद्धव ठाकरे यांच्यावर हल्लाबोल केला आहे.
दरम्यान, हरियाना विधानभा निवडणुकीत भाजपचा दणदणीत विजय झाल्यानंतर काँग्रेसलावर टीका करताना महाराष्ट्रातही अशी परिस्थिती ओढवू नये म्हणून आत्ताच मुख्यमंत्रीपदाचा चेहरा जाहीर करावा, जो कोणी चेहरा असेल त्याला आपला पाठिंबा असेल, अशी भूमिका त्यांनी मांडली होती.
पण नुकत्याच झालेल्या शिवसेनेच्या दसरा मेळाव्यात ठाकरेंनी भाषणाच्या शेवटी आपल्याच मुख्यंमत्रीपदाच्या कार्यकाळात झालेल्या शपथविधीची व्हिडिओ क्लीप दाखवून उपस्थितांना देखील भाजपला सत्तेत येण्यापासून रोखण्याची शपथ दिली होती. यावरुन ठाकरे पुन्हा मुख्यमंत्रीपदासाठी उत्सुक असल्याची चर्चा सुरु झाली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
