वयोवृद्ध महिलेकडील दागिने पळविणार्‍या तिघांना अटक

अंधेरी : मंदिरात जाणाऱ्या एका ६५ वर्षांच्या वयोवृद्ध महिलेकडील (elderly woman) अडीच लाखांचे दागिने (ornaments) घेऊन पळून गेलेल्या तीन आरोपींना आग्रीपाडा पोलिसांनी (Agri pada police) अटक केली आहे. रामलाल राठोड ऊर्फ गबरा, धर्मा ऊर्फ बुचा सोळंखी आणि लक्ष्मण देवरस अशी या तिघांची (thief arrested) नावे आहेत. तिन्ही आरोपी सराईत गुन्हेगार असून त्यांच्याविरुद्ध मुंबईसह ठाणे, दिल्लीत अनेक गंभीर गुन्ह्यांची नोंद आहे. सुवर्णा पोहेकर या भायखळा येथे राहतात.

२ सप्टेंबरला त्या जवळच असलेल्या दत्त मंदिरात जात होत्या. या वेळी तीन अज्ञातांनी त्यांना बोलण्यात गुंतवून अडीच लाख रुपयांचे दागिने घेऊन पलायन केले होते. पोलिसांनी जवळपास १५० हून अधिक सीसी टीव्ही फुटेज तपासल्यानंतर तीन संशयिताचे चेहरे दिसून आले होते. त्यानुसार पोलिसांनी ठाण्यातील साठेनगर आणि इंदिरानगर परिसरातून रामलालसह इतर दोघांना अटक केली.