मुंबई : एल्गार परिषद (elgar parishad) प्रकरणात एनआयए (NIA) ता. 25 नंतरच आरोपींवर (accused) आरोप निश्चितीची कारवाई करणार आहे, असे आज एनआयएच्या वतीने मुंबई उच्च न्यायालयात (Mumbai high court) स्पष्ट करण्यात आले. त्यामुळे खटल्याची (case) कारवाई त्यानंतर सुरू होऊ शकते.
विशेष न्यायालयात ता 23 रोजी तपास यंत्रणा आरोप निश्चित करणार होती. मात्र काही आरोपींनी उच्च न्यायालयात याचिका केली आहे. एन आय एने अद्याप आरोपांचा मसुदा दिलेला नाही, असे याचिकेत सांगण्यात आले आहे. उच्च न्यायालयात आज यावर सुनावणी झाली. आरोपी सुधा भारद्वाज आणि अन्य काही आरोपींनी याचिका केली आहे असे एड युग चौधरी यांनी आरोपींच्या वतीने सांगितले. तसेच अन्य काही अर्जावर विशेष न्यायालयात सुनावणी व्हायची आहे, असेही त्यांनी सांगितले.
याचिकेवर बुधवारनंतर ( ता. 25) सुनावणी घ्यावी, तोपर्यंत आरोपींना संबंधित कागदपत्रे देण्यात येतील, अशी विनंती एन आय एच्यावतीने एड संदेश पाटील यांनी केली. तपास अधिकार्यांनी पंधरा आरोपींविरोधात वीस आरोपांचा मसुदा विशेष न्यायालयात दाखल केला आहे. यामध्ये भादंवि आणि यूएपीए कायद्याचा समावेश आहे. आरोप निश्चित झाले कि आरोपींची बाजू ऐकून न्यायालय खटल्याची कारवाया सुरू करु शकते. भीमा कोरेगाव हिंसाचार आणि एल्गार परिषद प्रकरणात मागील तीन वर्षाहून अधिक काळ आरोपी अटकेत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
