VIDEO : एका ठोशात खाली पाडलं... बिर्याणीच्या वजनावरून दुकानदार-ग्राहक भिडले; माजी सैनिकाला बेदम मारहाण

बिर्याणी विकत घेण्यावरून ग्राहक आणि दुकानदारांमध्ये जोरदार हाणामारी झाली. दरम्यान या घटनेत एका माजी सैनिकाला जबर मारहाण झाल्याचा धक्कादायक प्रकार समोर आला आहे. रायगड जिल्ह्यातील पाली येथे ही घटना असून याचा व्हिडोओ देखील समोर आला आहे.

बिर्याणी विकत घेण्यारून झालेल्या हाणामारीत मोर्या लक्ष्मण महाडीक (वय ३७) गंभीर जखमी झाले. समोर आलेल्या व्हिडीओमध्ये दोन व्यक्ती एकमेकांना मारहाण करताना दिसत आहेत. त्यानंतर एका व्यक्तीच्या हाताचा ठोसा लागून दुसरी व्यक्ती जमीनीवर पडल्याचे दिसत आहे.

मिळालेल्या माहितीनुसार, महाडीक हे बिर्याणीच्या दुकानात बिर्याणी घेण्यासाठी गेले होते. मात्र दुकानदाराने कमी बिर्याणी दिल्यावरून ते दुकानदाराशी वाद घालू लागले. यामध्ये आरोपी वेदांत गायकवाड या १९ वर्षीय तरुणाने मध्ये पडून माजी सैनिकास बेदम मारहाण केली.

नेमकी ही मारहाण आरोपीने का केली? याबद्दल स्पष्टता मिळू शकली नाही. मात्र मारहाणीनंतर महाडीक यांच्यावर रुग्णालयात उपचार करण्यात आले आणि त्यानंतर पाली पोलिस स्टेशनमध्ये आरोपीविरुद्ध गुन्हा दाखल करण्यात आला आहे.