Jayesh Pandgale: शिवसेना माजी आमदाराच्या मुलाने लोखंडवाला येथे संपवले जीवन, कारण अस्पष्ट

अंधेरी, ता. १४ (बातमीदार) : माजी आमदार राम पंडागळे याचा मुलगा जयेश पंडागळे याने सोमवारी (ता.१४) रात्री गळफास लावून आत्महत्या केल्याची घटना घडली. या प्रकरणी समता नगर पोलिसांनी अपमृत्यूची नोंद केली आहे. पंडागळे हे कुटुंबीयांसोबत कांदिवली पूर्वच्या लोखंडवाला येथे राहतात. दोन वर्षांपूर्वी पंडागळे यांनी शिंदे गटात प्रवेश केला होता.

जयेश हा मनोरंजन क्षेत्रात होता. सोमवारी तो घरी होता. बराच वेळ झाल्यानंतर जयेश हा रूममधून बाहेर आला नाही. त्यामुळे त्याच्या कुटुंबीयांनी दरवाजा उघडला. तेव्हा जयेशने गळफास लावून आत्महत्या केल्याचे समोर आले. त्याला उपचारासाठी भगवती रुग्णालयात दाखल करण्यात आले मात्र तेथील डॉक्टरांनी त्याला मृत घोषित केले. जयेशच्या आत्महत्येचे नेमके कारण स्पष्ट झालेले नाही.