जव्हारच्या मिरचीचा तडका एपीएमसीत

तुर्भे : जव्हार तालुक्‍यातील पिंपळशेत खरोंडा आणि तेथील 12 गाव, पाड्यांतील एक्‍स्पोर्ट क्वॉलिटीची शेकडो टन मिरची वाशी मार्केटमध्ये दाखल झाली आहे. 

पालघर जिल्ह्यात रूरल कॉम्युनिस या संस्थेने पिंपळशेत खरोंडा आणि परिसरातील 12 शेतकऱ्यांना विविध प्रकारची दर्जेदार एक्‍स्पोर्ट क्वालिटी मिरची लागवड करून दिली आहे. याशिवाय, त्यांना खत, कीटकनाशके, बी-बियाणे पुरवठा करून तांत्रिक देखभाल केली. त्यानंतर तयार झालेली शेकडो टन मिरची संस्थेच्या माध्यमातून परदेशात पाठवण्यात आली आहे. कृषी विभागाची यात महत्त्वाची भूमिका असून, कृषी विभागाने या शेतकऱ्यांना इम्पोर्ट एक्‍स्पोर्ट नोंदणी करून दिली. 

संतापजनक... चोरीसाठी ८८ वर्षांच्या वृद्धाला बेदम मारहाण

लॉकडाऊनमुळे अडकलेला माल 24 मार्चपासून पडून होता. ही बाब तालुका कृषी अधिकारी गावित यांनी स्थानिक प्रशासन अधिकारी तहसीलदार संतोष शिंदे, उपविभागीय कृषी अधिकारी वाडा व जिल्हा कृषी अधिकारी यांच्या निदर्शनास आणली. त्यामुळे हा माल वाशी बाजारात नेण्यास परवानगी मिळाली. 15 टन माल वाशी बाजारात पोहचला आहे. 

वाचा हेही... रायगडमध्ये पुन्हा सुरू होणार मासेमारी, मासळी स्वस्त होणार?
मुंबई

परदेशात पाठवण्याची तयारी 
सरकारने नुकतीच तात्पुरती परदेशी निर्यात सेवा सुरू केली आहे. त्यामुळे या शेतकऱ्यांच्या मिरची मालाचा दुसरा तोडा थेट परदेशात निर्यात करण्याबाबत कृषी विभागाकडून हालचाली सुरू आहेत. पहिला 5 टन माल लॅबमार्फत तपासणी करून अहवाल प्राप्त झाल्यानंतर परदेशात निर्यात केला जाणार आहे. दुसऱ्या दोन तोडीचे माल शेतकऱ्यांच्या शेतात उपलब्ध असून, हाही माल परदेशात निर्यातीसाठी तयार असल्याची माहिती मिळाली.