डोंबिवली - सुट्ट्या पैशावरून झालेल्या वादात एका प्रवाशाने महिला तिकीट लिपिकास दालनात शिरून मारहाण केल्याची घटना कल्याण रेल्वे स्थानकात घडली आहे. शुक्रवारी 11.30 दरम्यान ही घटना घडली असून जखमी लिपिकास उपचारासाठी कल्याण रेल्वे रुग्णालयात दाखल करण्यात आले आहे. अन्सर शेख (वय 35) असे मारहाण करणाऱ्या प्रवाशाचे नाव आहे. रोशनी पाटील असे जखमी तिकीट लिपिक महिलेचे नाव आहे. जीआरपी ने या प्रवाशास ताब्यात घेतले असून लोहमार्ग पोलीस याचा अधिक तपास करत आहेत.