मुंबई : खोटी सही करुन बोगस जमीन व्यवहार करणाऱ्या बड्या व्यवसायीकावर गुन्हा

मुंबई : एका ७४ वर्षीय नागरिकाची खोटी सही (forging signature) करुन आणि दुसऱ्या एका व्यक्तीचा फोटो लावून विलेपार्लेतील एका जागेचं बोगस कंन्वेयंस डीड केल्याप्रकरणी बड्या व्यवसायीकासह कंपनीच्या संचालकांवर गुन्हा दाखल (police complaint filed) करण्यात आला आहे. देवेन रघानी, न्यानेश परीख अशी आरोपींची नावे आहेत. जिरोम डिसुजा यांनी याप्रकरणी आरोंपीविरोधात तक्रार केल्यानंतर शुक्रवारी पोलिसांनी गुन्हा दाखल केला. तसंच डिसुजा यांनी याप्रकरणी दंडाधिकारी न्यायालयातही (Magistrate court) तक्रार दाखल केलीय. असं वृत्त टाईम्स ऑफ इंडियानं दिलं आहे. (FIR against real estate businessman for forging senior citizen's signature in land conveyance deed)

याबाबत सविस्तर वृत्त असं की, देवेन रघानी, न्यानेश परीख आणि एका खासगी कंपनीच्या संचालकांनी डिसुजाच्या नावाने खोटी सही करुन तसंच दुसऱ्या व्यक्तीचा फोटो लावून कन्वेयंस डीड तयार केलं. या दस्तामध्ये डिसुजाने आपल्या मालकीची २० टक्के भागीदारी विक्री केली असल्याचं त्यांनी नमूद केलं. अशी माहिती एफआयआर मध्ये देण्यात आलीय.

"रघानीच्या विरोधात अशाच प्रकारचे गुन्हे मुंबईत दाखल आहेत. पोलीस या गुन्ह्यात आरोपी असणाऱ्यांची सखोल चौकशी करत आहेत." अशी माहिती एयरपोर्ट पोलीस स्टेशनच्या अधिकाऱ्यांनी दिलीय. तर दुसरीकडे डिसुजा यांनी लावलेले आरोप रघानीने फेटाळले आहेत. रघानीनं म्हटलंय की, "आम्ही जिरोम डिसुजा यांचा भाचा एल एन डिसुजा यांच्याकडून २००८ मध्ये जमिन खरेदी केली होती. २०१० मध्ये हा व्यवहार रद्द झाला. ९ लाख रुपये आम्ही एल एन डिसुजाला दिले होते. या तक्रारी विरोधात आम्हा न्यायालयात धाव घेणार आहोत."