पनवेल : खारघरमध्ये कोरोनाची लागण झालेल्या 33 वर्षीय रिक्षा चालकाचा शुक्रवारी (ता.10) मृत्यू झाला. या रुग्णाला 4 दिवसापूर्वी त्याच्या नातेवाईकांनी नवी मुंबईमधील रुग्णालयात दाखल केले होते. रुग्णालयात करण्यात आलेल्या चाचणीत कोरोनासोबत डेंग्यूचा देखील अहवाल पॉझिटिव्ह आला असल्याचे समोर आले होते.
पनवेल पालिका हद्दीत सापडलेल्या 16 रुग्णांमध्ये खारघरमधील 4 रुग्णांचा समावेश आहे. पनवेलमधील हा कोरोनाचा पहिला बळी असून नागरिकांमध्ये भीतीचे वातावरण निर्माण झाले आहे. या बाबत पालिका उपायुक्त जमीर लेंगरेकर यांच्याशी संपर्क साधला असता वैद्यकीय विभागाने या वृत्ताला दुजोरा दिला असल्याची माहिती लेंगरेकर यांनी दिली.
वरळी कोळीवाड्यातील 14 हजार कुटुंबांना मदत
वेदांता लिमिटेड या तेल, वायू आणि धातू कंपनीने वरळी कोळीवाड्यातील 14 हजार कुटुंबांना महिनाभराचे धान्य दिले आहे. कोरोनाचे रुग्ण वाढत असल्याने हा परिसर गेल्या आठवड्यापासून सील करण्यात आला आहे. तेथील परिस्थिती पाहून मच्छीमार कुटुंबांना मदत करण्याचा निर्णय घेतला. कोरोनाचा सामना करण्यासाठी उद्योगांनी सरकारला पाठबळ देणे महत्त्वाचे आहे, असे वेदांता रिसोर्सेसचे कार्यकारी अध्यक्ष अनिल अग्रवाल यांनी सांगितले.
महत्त्वाच्या बातम्या :
first corona death reported from panvel read full story
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.