मुंबई-नाशिक महामार्गांवर पाच तासात चार अपघात; एक ठार, एक गंभीर जखमी

खर्डी : मुबई-नाशिक महामार्गांवरील (Mumbai-nashik highway) कसारा घाट ते खर्डी दरम्यान आज पहाटे 5:30 ते 10 वाजे.दरम्यान झालेल्या 4 अपघातात (accident) एक ठार तर एक गभीर जखमी आहे.आज पहाटे 5:30 च्या सुमारास कसारा घाट उतरून येत असताना कसारा ओहळाची वाडी वळणावर भरधावं वेगात असणारा कंटेनर पलटी झाल्याने कंटेनरचा  चालक जागीच ठार (driver died) झाला. 

उदय प्रसाद रा. बिहार असे मयत चालकाचे नाव आहे. सकाळी 7 वाजता नवीन कसारा घाटात ट्रेलर पलटी झाला परंतु चालकाने प्रसंगावधान दाखवून चालकाने उडी मारली त्यात तो जखमी झाला आहे. तर सकाळी 9 वाजता हॉटेल वृंदावन जवळ इको कार चा टायर फुटल्याने आपघात होऊन  गाडीतील 4 जण किरकोळ जखमी झाले.

सकाळी 10;30 वाजता खर्डी गोलभन येथे रस्त्यावरील सांडलेल्या ऑइल मुळे एक दुचाकी स्वार गंभीर जखमी झाला असून त्याला आपत्ती व्यवस्थापन टीम सदस्याच्या मदतीने शहापूर उपजिल्हा रुग्णालयात दाखल केले दरम्यान दुचाकी चालकाची प्रकृती गंभीर झाल्याने त्याला नायर हॉस्पिटल येथे पुढील उपचारासाठी पाठवण्यात आले आहे.  या प्रकरणी कसारा व शहापूर पोलीस ठाण्यात गुन्हा दाखल करण्यात आला असून पुढील तपास सुरु आहे..