मुंबईच्या माजी महापौर किशोरी पेडणेकर यांच्याविरोधात ईडीनं गुन्हा दाखल केला आहे. महापालिकेत कोविड काळात मृतदेहाच्या बॅग खरेदी प्रकरणात आर्थिक घोटाळा केल्याप्रकरणी त्यांच्यावर पीएमएलए कायद्यांतर्गत गुन्हा दाखल करण्यात आला आहे. तर या प्रकरणाच्या संदर्भात आज मुंबईच्या माजी महापौर किशोरी पेडणेकर आर्थिक गुन्हे शाखेसमोर हजर झाल्या होत्या.
या प्रकरणात मुंबई उच्च न्यायालयाने किशोरी पेडणेकर यांना दिलासा मिळाला आहे. मुंबई उच्च न्यायालयाने किशोरी पेडणेकर यांना ४ आठवडे अटकेपासून संरक्षण दिला आहे. मात्र, तपासात सहकार्य करण्याचे निर्देशही उच्च न्यायालयाने दिले आहेत. ११, १३ आणि १६ तारखेला किशोरी पेडणेकर यांना आर्थिक गुन्हे शाखेसमोर हजर रहावं लागणार आहे.
न्यायालयातील सुनावणी दरम्यान किशोरी पेडणेकर यांनी त्यांच्यावरील सगळे आरोप फेटाळून लावले होते. निव्वळ राजकारण म्हणून आपल्याला लक्ष केलं जात असल्याचं त्यांनी म्हटलं होतं. तसेच शव पिशवी आणि इतर वस्तुंच्या खरेदीत देखील कायद्याच पालन केल्याचा पेडणेकरांनी दावा केला होता.
महिन्याभरापूर्वी ईडीने पेडणेकरांविरोधातील आरोपांप्रकरणाची कागदपत्रे मुंबई पोलिसांच्या आर्थिक गुन्हे विभागाकडून मागवली होती. या विभागाकडून पेडणेकरांवर गुन्हाही दाखल करण्यात आला होता. याच गुन्ह्याच्या आधारे कागदपत्रे तपासल्यानंतर ईडीनं किशोरी पेडणेकर यांच्याविरोधात गुन्हा दाखल केला आहे.
पेडणेकरांवर आरोप काय?
कोविड काळात मुंबई महापालिकेकडून पालिकेच्या रुग्णालयांसाठी मृतदेहांच्या बॅग खरेदी करताना १८०० रुपयांची एक बॅग ६८०० रुपयांना विकत घेतल्याचं सांगितलं जात आहे. तत्कालीन महापौर किशोरी पेडणेकर यांच्या सुचनेनूसार हा व्यवहार झाल्याचा आरोप करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
