दूधखरेदीत शेतकऱ्यांची फसवणूक

दूधखरेदीत शेतकऱ्यांची फसवणूक

पोलादपूर : येथील शेतकऱ्यांकडील गाई, म्हशीचे दूध खरेदीबाबत विश्वास संपादन करून फसवणूक केल्याची घटना पोलादपूर येथे घडली आहे. याप्रकरणी पोलादपूर पोलिस ठाण्यात गुन्हा दाखल करण्यात आला आहे. महाड तालुक्यातील बोरगाव मोहत येथील शेतकऱ्यांकडील गाई, म्हशींचे दूध कापडे व कणगुले येथील कोल्हेश्वर दूध डेअरीचे मालक (रा. माहुली सातारा) यांच्यासह आणखी एकाने संगनमताने जमा करून घेतले.

या दोघांनी शेतकऱ्यांना जमा केलेल्या दुधाचे पैसे दर १० दिवसांनी फिर्यादी व इतर शेतकऱ्यांना ८,७७,६९७ रुपये देण्याचे कबूल केले. मात्र, त्यांनी बँकेत पैसेच जमा केले नाही. या शेतकऱ्यांना आपली फसवणूक झाल्याचे लक्षात येताच त्यांनी पोलादपूर पोलिस ठाण्यात गुन्हा दाखल केला आहे.