मुंबई: डोस उपलब्ध नसल्यामुळे घेतलेल्या विश्रांतीनंतर मुंबईत पुन्हा एकदा लसीकरण केले जाणार आहे. आज मुंबईतील सर्व लसीकरण केंद्रांवर लसीकरण होईल अशी माहिती पालिका प्रशासनाकडून देण्यात आली आहे. (From today onwards vaccination start at all centers in mumbai)
मुंबईला पुण्यातुन 87 हजार डोस देण्यात आले आहेत. हे सर्व डोस मुंबईतील लसीकरण केंद्रांना वितरीत करण्यात आले आहेत. ज्यामुळे, आता सर्व लसीकरण केंद्रांवर नागरिकांसाठी डोस उपलब्ध होईल असे पालिकेच्या कार्यकारी आरोग्य अधिकारी डॉ. मंगला गोमारे यांनी सांगितले.
सर्व केंद्रांवर पुन्हा लसीकरण
लसीच्या तुटवड्यामुळे गुरुवारी पूर्ण दिवस लसीकरण बंद ठेवण्यात आले होते. डोस उपलब्ध झाल्यावर तात्काळ लसीकरण सुरू होईल असे सांगितले गेले होते. त्यानुसार, आज पुन्हा लसीकरण सुरू करण्यात आले आहे.
रुग्ण दुपटीचा कालावधी ५०० दिवसांवर
मुंबईत कोरोना रुग्ण वाढीचा (corona growth rate) सरासरी दर 0.13 टक्क्यांवर आला आहे. रुग्ण दुपटीचा कालावधी हा वाढून 500 दिवसांवर आला आहे. त्यामुळे मुंबईत (Mumbai) नव्या रुग्णांची संख्या दिवसेंदिवस नियंत्रणात येत असल्याचे दिलासादायक चित्र समोर आले आहे. आज 961 नवीन रुग्ण सापडले तर 897 रुग्णांनी कोरोनावर मात केली. मुंबईतील कोरोनाग्रस्तांचा एकूण संख्या 7,08,968 इतकी झाली आहे. आतापर्यंत 67,51,93 कोरोना चाचण्या करण्यात आल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
