भिवंडीत विसर्जनास चाललेल्या गणेशमूर्तीवर दगडफेक; पोलिसांचा लाठीचार्ज, कार्यकर्त्यांकडून 'जय श्रीराम'ची घोषणाबाजी

Bhiwandi Ganesh Visarjan Miravnuk : भिवंडीतील घुंघटनगर येथील सार्वजनिक गणेशोत्सव मंडळाची गणेशमूर्ती विसर्जनासाठी कामवारी नदीकडे रात्री 1 वाजता जात असताना अचानक मूर्तीवर दगडफेक झाली.

सूत्रांकडून मिळालेल्या माहितीनुसार, गणेश मूर्ती काही ठिकाणी भंग पावली. त्यामुळे मंडळाने विसर्जनाची मिरवणूक जागीच थांबविली असून या घटनेमुळे परिस्थिती चिघळली आहे.

दरम्यान, पोलिसांनी (Police) हस्तक्षेप करीत लाठीचार्ज केला. परंतु, रात्री २.३० वाजेपर्यंत मिरवणूक पुढे नेलेली नाही. या घटनास्थळी भाजप आमदार महेश चौघुले यांनी भेट दिली असून यावेळी मंडळाच्या कार्यकर्त्यांनी जय श्रीरामची घोषणाबाजी केली. सध्या या ठिकाणी तणावपूर्ण वातावरण आहे.