![Ghatkopar Hoarding Collapse](http://media.assettype.com/esakal%2F2024-05%2F45482d85-154f-40e8-bab5-9ee893b4c2cb%2FGhatkopar_Hoarding_Collapse__3_.jpg?w=480&auto=format%2Ccompress&fit=max)
Ghatkopar Hoarding Collapse: घाटकोपर होर्डिंग दुर्घटनेतील बचावकार्य अखेर पुर्ण झालं आहे. या दुर्घटनेत एकूण १६ जणांचा मृत्यू झाला आहे. अनेक जण जखमी झाले आहेत. आज हे बचावकार्य पुर्ण झाल्याची माहिती मुंबई पालिका आयुक्त भूषण गगराणी यांनी दिली आहे. गेल्या तीन दिवसांपासून सेन्सर आणि श्वान पथक, NDRFच्या मदतीने होर्डिंगच्या ढिगाऱ्याखाली कोणी अडकले आहे का याचा शोध घेतला जात आहे. हो
भूषण गगराणी यांनी माहिती देताना सांगितले, या दुर्घटनेत १६ दणांचा दुर्दैवी मृत्यू झाला आहे. हे बचावकार्य आता पुर्ण झालं आहे. या बचावकार्यात मुंबई महानगरपालिका, मुंबई पोलीस, एमएमआरडीए, एनडीआरएफ, महानगर गॅस या सर्व यंत्रणांनी समन्वय साधत बचावकार्य पुर्ण केलं आहे. दुर्घटनेच्या ठिकाणी संपुर्ण तपासणी करण्यात आली आहे, यामध्ये अन्य कोणतीही व्यक्ती अडकलेली नाही. आता होर्डिंगचा मलबा हटवण्याचे काम सुरू आहे. या दुर्घटनेत मृत्यू झालेल्यांच्या कुंटुबीयांना त्वरीत मदत दिली जाईल.
मुंबईतील अनाधिकृत होर्डिंग बाबतीत कारवाया हाती घेतल्या आहेत. होर्डिंगसाठी ठरवलेली मानके पाळली पाहिजेत. त्यांची पायाभरणी, हवा जाण्याची सोय ही सर्व मानके ठरवून दिलेली आहे. ती पाळली गेली पाहिजेत. रेल्वेला देखील त्याप्रमाणे आदेश दिले आहेत या मानकांचे पालन झाले पाहिजे. होर्डिंग लावताना परवानगी घेणे आवश्क आहे. सर्व नियम पाळले गेले पाहिजेत, असंही मुंबई पालिका आयुक्त भूषण गगराणी यांनी म्हटलं आहे.
सर्व होर्डिंगची स्ट्रक्चरल स्टेबिलिटी करून घेणे हे बंधनकारक आहे. स्ट्रक्चरल स्टेबिलिटी करून त्यांना महानगपालिकेकडे प्रमाणपत्र सादर केले पाहिजेत. या दुर्घटनेत मुंबई पोलिसांनी गुन्हा दाखल केला आहे. त्याचबरोबर आता मुंबईतील परवानाधारक होर्डिंग आहेत त्या सर्वांची तपासणी चालू आहे, अशी माहिती गगराणी यांनी दिली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.