डोंबिवली - गणपती विसर्जनासाठी जात असलेल्या एका 20 वर्षीय तरुणीला एका टोळक्याने बेदम मारहाण केल्याची घटना सोमवारी रात्री कल्याण पूर्वेत घडली आहे. याप्रकरणी पीडित तरुणी अंजली ठाकूर हिने मानपाडा पोलीस ठाण्यात 6 ते 7 जनांविरोधात तक्रार दाखल केली आहे. दाखल तक्रारीवरून पोलिसांनी गुन्हा दाखल करत तपास सुरू केला आहे.
कल्याण पूर्वेतील आडिवली भागात अंजली राहण्यास आहे. सोमवारी रात्री अंजली नातेवाईकांसोबत नांदीवली तलाव येथे गणपती विसर्जनासाठी जात होती. रात्री 11.30 च्या सुमारास जुन्या भांडणाचा राग मनात धरून सैफ अली खान, राम तिवारी, स्काय गुलाम, सत्यम, भावेश आणि विशाल आणि त्यांच्या साथीदारांनी अंजलीला रस्त्यात अडवले. तिला शिवीगाळ करत बेदम मारहाण केली. अंजलीचे नातेवाईक तिच्या बचावासाठी पुढे आले तर टोळक्याने त्यांनाही मारहाण केली. टोळक्यातील एका तरुणाने जवळील चाकूने अंजलीला दुखापत केली.
मारहाणीनंतर सात ते आठ तरुण घटनास्थळावरून पळून गेले. अंजलीने याप्रकरणी मानपाडा पोलीस ठाण्यात तक्रार केली आहे. पोलीस उपनिरीक्षक पी. एस. ढेंबरे अधिक तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.