म्हाडा कर्मचाऱ्यांना सुग्रास जेवण

मुंबई : महाराष्ट्र गृहनिर्माण व क्षेत्रविकास प्राधिकरणाच्या (म्हाडा) वांद्रे येथील मुख्यालयातील कर्मचाऱ्यांना सुग्रास जेवण मिळावे म्हणून कॅंटीन चालवण्यासाठी निविदा प्रसिद्ध करण्यात आल्या आहेत. कॅंटीन चालवण्याचा अनुभव असलेल्या ठेकेदारालाच हे काम दिले जाईल, असे निविदेत नमूद करण्यात आले आहे.

महत्वाचे एक कप चहात घ्या मुंबईत दोन घरं

म्हाडा मुख्यालयातील कर्मचारी आणि कामासाठी दररोज येणाऱ्या नागरिकांची संख्या मोठी आहे. या परिसरात सामान्य नागरिकांच्या खिशाला परवडणारे उपाहारगृह नाही. त्यामुळे कर्मचारी आणि नागरिकांनाही कॅंटीनशिवाय अन्य पर्याय नसतो. कामानिमित्त सकाळी 10 वाजता आलेले नागरिक तीन ते चार तास म्हाडा कार्यालयात असतात.

धक्कादायक बातमी अल्पवयीन आरोपी मुलीवरच बलात्कार

त्यामुळे कर्मचारी आणि नागरिकांसाठी नाश्‍ता आणि जेवणाची चांगली सोय करण्याच्या हेतूने म्हाडा प्रशासनाने मुख्यालयाच्या इमारतीत उपाहारगृह सुरू केले असून, सुग्रास जेवणासाठी अनुभवी ठेकेदाराचा शोध सुरू आहे. म्हाडा मुख्यालयातील कॅंटीन चालवण्यासाठी इच्छुक कंत्राटदाराला 50 पेक्षा जास्त टेबलांचे रेस्टॉरंट किंवा कॅंटीन चालवण्याचा अनुभव असावा, अशी अट घालण्यात आली आहे.

संघटनांची मागणी
मुंबई महापालिकेच्या कॅंटीनमध्ये 10 रुपयांत चांगले जेवण मिळते. मुख्यमंत्री उद्धव ठाकरे यांनी शिवथाळी 10 रुपयांत देण्याची घोषणा केली आहे. या पार्श्‍वभूमीवर म्हाडा कॅंटीनचे कंत्राट संपल्यामुळे नव्या कंत्राटदाराने 10 रुपयांत चांगले जेवण द्यावे, अशी कर्मचारी संघटनांची मागणी आहे.