मुंबई : विनापरवाना दुचाकी चालवल्यामुळे वाहतुक पोलिसांनी कारवाई केली असता दुचाकीस्वाराने पोलिसाच्या डोक्यात हेल्मेट मारल्याची घटना रविवारी रात्री सायन परिसरात घडली आहे. याप्रकरणी सायन पोलिसांनी गुन्हा दाखल करून आरोपी दुचाकीचालक तौसिफ अब्दुल माजिद खानला अटक केली आहे.
आरोपी कुर्ला एलबीएस रोडवरील शीतल चित्रपटगृहाजवळ वास्तव्यास आहे.रविवारी रात्री आरोपी सायन परिसरातील माटुंगा वाहतुक पोलीस चौकी जवळील सिग्नलवर असताना हा गुन्हा घडला. मिळालेल्या माहितीनुसार, या प्रकरणी पिडीत आनंद शेजवळ हे माटुंगा वाहतुक पोलीस शाखेत कार्यरत आहेत. शेजवळ शनिवारी रात्री चौकीजवळील सिग्नलवर वाहतुक नियमनासाठी कार्यरत असताना एक तरूण दुचाकीवरून येत असल्याचे त्यांनी पाहिले.
त्यांना संशय आल्यामुळे त्यांनी दुचाकीचालकाला अडवून त्याच्याकडे परवाना मागितला. पण त्याच्याकडे वाहनचालक परवाना नव्हता. त्यामुळे त्यांनी आरोपीवर दंडात्मक कारवाई केली. परंतु आरोपीला राग आला आणि रागात आरोपीने हातातील हेल्मेट शेजवळ यांच्या डोक्यात मारले व तेथून पळ काढण्याचा प्रयत्न करू लागला. पण वाहतुक पोलिसाने मोठ्या शिताफीने त्याला घटनास्थळावरच ताब्यात घेतले. त्यानंतर सायन पोलीस ठाण्यात नेऊन आरोपीविरोधात गुन्हा दाखल करून आरोपीला याप्रकरणी अटक करण्यात आली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
