मुंबई : अपुऱ्या पाणीपुरवठ्यामुळे त्रस्त असलेल्या गोराईतील रहिवाशांना उच्च न्यायालयाने दिलासा देताना दररोज दहा हजार लिटर क्षमतेचे दहा टँकर पाणी पुरवण्याचे निर्देश उच्च न्यायालयाने बुधवारी (ता. ८) दिले. स्वच्छ पिण्याच्या पाण्याचा पुरवठा करणे हे पालिकेचे कर्तव्य असून यातून पालिका हात झटकू शकत नाही, असे खडे बोलही न्यायालयाने सुनावले.
बोरिवली पश्चिमेतील गोराई गावात पालिकेकडून कमी दाबाने पुरवठा होत असून पाण्याअभावी रहिवाशांचे हाल होत आहेत. सात हजार कुटुंबे या ठिकाणी राहत असून सुमारे दोन हजार कुटुंबीयांकडे पाण्याचे नळ आहेत; मात्र यातून पाणी येईनासे झाले आहे.
याप्रकरणी गोराई व्हिलेजर्स वेल्फेअर असोसिएशनच्या वतीने मुंबई उच्च न्यायालयात जनहित याचिका दाखल करण्यात आली होती. मुख्य न्या. देवेंद्र कुमार उपाध्याय आणि न्या. आरिफ डॉक्टर यांच्या खंडपीठासमोर आज या याचिकेवर सुनावणी घेण्यात आली.
पालिकेच्या वतीने ज्येष्ठ वकील अनिल सिंह यांनी माहिती देताना सांगितले की, सक्शन टॅंक आणि पंप बांधल्याने येथील लोकांना पाण्याची समस्या भासत आहे. सध्या येथील रहिवाशांना चार टँकरद्वारे पाणीपुरवठा केला जातो. सक्शन टॅंक आणि पंपाचे काम पूर्ण झाल्यावर रहिवाशांना जादा दाबाने पाणीपुरवठा होईल. सकाळी चार, संध्याकाळी चार आणि रात्री दोन अशा १० टँकरने पाणीपुरवठा करण्याचे निर्देश खंडपीठाने पालिकेला दिले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.