नवी मुंबईः नवी मुंबईमध्ये पुन्हा एक ड्रंक हिट अँड रनचं प्रकरण पुढे येत आहे. अंगाचा थरकाप उडवणारा हा व्हिडीओ सीसीटीव्हीमध्ये कैद झाला झाला. या अपघातामध्ये एकाचा मृत्यू झालाय.
वरळीतलं हिट अँड रनचं प्रकरण ताजं असताना आणखी एक घटना नवी मुंबईतल्या वाशीमध्ये घडली आहे. वाशी सेक्टर ९ मध्ये हा अपघात झाला. यामध्ये एका रिक्षा चालकाचा मृत्यू झाला आहे.
सीसीटीव्हीमध्ये अपघाताची भीषणता दिसून येतेय. एका निळ्या रंगाच्या इनोव्हा कारने भरधाव वेगामध्ये येऊन दुसऱ्या दोन कार आणि एका रिक्षाला जोराची धडक दिली. त्यानंतर कारचालाने तिथून पळ काढला.
अपघातामध्ये ऑटो चालकाचा मृत्यू झाला आहे. इनोव्हा कार पोलिसांनी ताब्यात घेतली असून कार चालक फरार आहे. हे प्रकरण 'ड्रंक हिट अँड रन'चं असल्याचं नागरिकांकडून सांगितलं जातंय.
अपघाताचा व्हिडीओ व्हायरल
अवघ्या काही सेकंदांमध्ये झालेला हा अपघात सीसीटीव्हीमध्ये कैद झाला आहे. हा व्हिडीओ सोशल मीडियामध्ये व्हायरल झाला आहे. व्हिडीओमध्ये दिसतंय की, अंजुमन शाळेच्या जवळ लोकांची वर्दळ आहे. दोन ऑटोरीक्षा वेगवेगळ्या दिशांना जाताना दिसत आहेत.
तेवढ्यात एक दुचाकीस्वार रस्त्याच्या बाजूला थांबतो. समोरुन एक भरधाव कार येताना दिसत आहे. अतिवेग असल्याने कार चालकाचं त्यावरचं नियंत्रण सुटलं. तेवढ्यात कारची ऑटोला मागून जोरदार धडक होते.. एवढंच नाही तर कारचालक ऑटोला घासत पुढे नेतो.
जोराची धडक झाल्यामुळे ऑटोचा चक्काचूर झाला. घटनास्थळी उपस्थित असलेल्या लोकही घाबरुन गेले होते. अपघातामध्ये ऑटो चालकाचा मृत्यू झाला. ही सगळी घटना सीसीटीव्हीमध्ये कैद झाल्याने त्याची भीषणता लक्षात येतेय. मृताची ओळख अद्याप पटलेली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
