World Cup 2023 : गेटवे ऑफ इंडियावर वर्ल्डकपचा थ्रीडी शो

मंबई : मुंबईतील ऐतिहासिक गेटवे ऑफ इंडियावर आयसीसी दिवाळीचा सण विश्वकरंडक स्पर्धेतील काही क्षणाची चित्रफीत प्रकाश आणि ध्वनींच्या साह्याने प्रदर्शित करून साजरा करत आहे. त्यामुळे विश्वकरंडक स्पर्धेचा मुंबईकरांमध्ये असलेला उत्साह अधिक द्विगुणीत होत आहे.

आयसीसीने दोन मिनिटांची एक चित्रफीत तयार केली आहे, ती विद्युत प्रकाश आणि ध्वनीच्या साह्याने थ्रीडी प्रकारात प्रदर्शित होत आहे. दिवाळीचा उत्साह वाढलेली मुंबई दिवे आणि प्रकाशाने उजळून निघाली आहे. त्यात गेटवे ऑफ इंडियावरील हे दृष्य सर्वांसाठी आकर्षण ठरत आहे.

मुंबईत भारताचा उपांत्य फेरीचा सामना वानखेडेवर १५ तारखेला होणार आहे, त्याची वातावरणनिर्मिती सुरू झाली आहे. त्यामुळे वर्ल्डकपचा ज्वर अधिकच वाढला आहे.