डोंबिवली: दारूच्या नशेत बाप लेकीच्या नात्याला काळिमा फासणारी घटना डोंबिवली (Dombivali) पश्चिमेत उघडकीस आली आहे. दारूच्या नशेत बापाने 9 वर्षीय मुलीवर दोनदा लैंगिक अत्याचार केला आहे. इतकेच नव्हे तर 9 वर्षीय मुलीसोबत 8 महिन्याच्या मुलीला दारू पाजण्याचे (Alcohol) दुष्कृत्य देखील त्याने केले आहे. आरोपीच्या पत्नीने याप्रकरणी विष्णूनगर पोलीस (police) ठाण्यात शुक्रवारी रात्री गुन्हा दाखल केला. यानंतर पोलिसांनी लगेच आरोपी बापास अटक (Arrest) केली.
डोंबिवली पश्चिमेत विष्णूनगर पोलीस ठाण्याच्या हद्दीत बापानेच आपल्या पोटच्या मुलींना दारू पाजून एका मुलीवर लैगिंक अत्याचार केल्याची घटना घडली आहे. ऑक्टोबर महिन्यात पत्नी गावी गेली असता बापाने मुलीला अंघोळ घालण्याच्या बहाण्याने तिच्यावर लैगिंक अत्याचार केला. आई गावावरून आल्यावर 9 वर्षीय मुलीने आईला सर्व प्रकार सांगितला.
मात्र आईने सुरुवातीला त्याकडे दुर्लक्ष केले. मात्र मुलगी सतत रडत आहे हे पाहून आईने मुलीला विश्वासात घेत नक्की काय घडले विचारले असता मुलीने सर्व हकीकत सांगितली. यावर आईने बापाला जाब देखील विचारला मात्र ती लहान आहे असे सांगून त्याने आईला गप्प केले. ऑक्टोबर महिन्यातच एका दिवशी बेडरूम मधून मुलीच्या रडण्याचा आवाज आल्याने आईने विचारले असता बापाने दरवाजा न उघडता आईला झोपण्यास सांगितले.
सकाळी आईने मुलीला रात्री काय झाले का रडत होती विचारले असता मुलीने वडिलांनी काय केलं ते सांगितलं. त्यानंतरही बापाने 9 वर्षीय मुलीसोबतच 8 महिन्याच्या मुलीला दारू पाजणे, पत्नीला मारहाण असे प्रकार सुरू ठेवल्याने अखेर आईने शुक्रवारी विष्णू नगर पोलीस ठाण्यात धाव घेतली. पोलिसांनी 49 वर्षीय आरोपी विरोधात पोक्सो अंतर्गत गुन्हा दाखल केला आहे. विष्णू नगर पोलीस ठाण्याच्या पोलीस उप निरीक्षक मोहिनी कपिले यांनी महिलेची तक्रार नोंदवून घेत आरोपीस तत्काळ अटक केली आहे. शनिवारी आरोपीस कोर्टात हजर केले जाणार असल्याची माहिती कपिले यांनी दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
