धक्कादायक! वडिलांनीच मुलाची पाण्यात तोंड बुडवून केली हत्या

मुंबई: मुलुंडमध्ये वडिलांनीच (mulund area) आपल्या गतिमंद मुलाची राहत्या घरी हत्या (murder) करून आत्महत्या केल्याची धक्कादायक घटना उघडकीस आली आहे. मुलुंडच्या क्राऊन्स ज्वेल्स, योगी हिल्स, मुलुंड परिसरात घडलेल्या या घटनेने परिसरात एकच खळबळ उडाली आहे. योगेश दशरथ भट्ट असे मृत मुलाचे नाव असून दशरथ गुणवंत राय असे आत्महत्या (suicide) करणाऱ्या वडिलांचे नाव आहे. (In Mumbai mulund area first father killed son & then himself done suicide)

योगेश हा जन्मापासून गतिमंद होता. योगेश कुठलीही गोष्ट स्वत: करू शकत नव्हता. त्याच्यावर विविध रुग्णालयात उपचार ही करण्यात आले. मात्र योगेशमध्ये काही फरक पडला नाही. भविष्यात योगेशचे कसे होईल या चिंतेने दशरथ यांनी शनिवारी मध्यरात्री घरातील सर्व सदस्य झोपलेले असताना योगेशला त्याच्या खोलीतील धान्य साठवण्याच्या पत्र्याच्या डब्यात पाणी साठवून त्यात योगेशचे तोंड बुडवून हत्या केली.

त्यानंतर दशरथ यांनी स्वत: घरातल्या हाँलमध्ये गळफास घेत आत्महत्या केली. या घटनेनं परिसरात एकच खळबळ उडाली असून मुलुंड पोलिस ठाण्यात गुन्हा नोंदवण्यात आला आहे.

दशरथ यांच्या मृतदेहाजवळ सुसाइड नोट मिळाली असून त्यात योगेशच्या हत्येचे आणि स्वत:च्या आत्महत्येचे कारण लिहिले आहे. भविष्यात योगेशचे कसे होईल म्हणून त्याची हत्या करून आत्महत्या करत असल्याचे म्हटले आहे. या प्रकरणी मुलुंड पोलिस अधिक तपास करत आहेत.