दहिसर ते मीरा रोडदरम्यान एक्स्प्रेसमध्ये गोळीबार झाल्याची घटना घडली आहे. या घटनेत ४ जणांचा मृत्यू झाल्याची माहीती आहे. तर या घटनेत एका आरपीएफच्या जवानाचा देखील मृत्यू झाला आहे. जयपुर मुंबई एक्स्प्रेसमध्ये हा गोळीबार झाला आहे.
आज पहाटे ५ वाजण्याच्या सुमारास पालघर रेल्वे स्थानकाजवळ ही घटना घडल्याची माहीती आहे. या घटनेत एका आरपीएफच्या जवानासह ४ जणांचा मृत्यू झाल्याची माहिती समोर आली आहे. गोळीबार झाल्यानंतर एक्स्प्रेस मीरा-रोड दहिसर येथे थांबवण्यात आली आहे.
ही ट्रेन गुजरातमधून महाराष्ट्रातील पालघरमध्ये दाखल होताच या ट्रेनमध्ये गोळीबार झाल्याची माहिती आहे. या गोळीबारात चार प्रवाशांचा जागीच मृत्यू झाला आहे. तर काही प्रवासी जखमी झाल्याचीही प्राथमिक माहिती समोर येत आहे. घटनेची माहिती मिळतात जीआरपी पोलीस आणि आरपीएफ पोलीस घटनास्थळावर दाखल झाले आहेत. ते घटनेचा अधिक तपास करत आहेत. सध्या ही मुंबई सेंट्रल येथे थांबवण्यात आली आहे.
गाडी नंबर 12956 मध्ये साडेपाच वाजण्याच्या सुमाराला गोळीबाराची घटना घडली.या गाडीतील कोच B 5 मध्ये गोळीबाराची घटना घडली असून आरपीफ जवानाचा आपसात वाद झाल्यामुळे ही घटना घडली असून कॉन्स्टेबल चेतन कुमार याने हा गोळीबार केला असल्याची माहिती समोर आली आहे..
एक्स्प्रेसमधून मृतदेह बाहेर काढून शताब्दी रुग्णालयात पाठवण्यात आले आहेत. आता पुढील प्रकिया सुरू करण्यात आली आहे. मुंबई सेंट्रल पोलिसांकडून घटनास्थळाची पाहणी करण्यात येत आहे. मृतांची ओळख पटवण्याचेही काम सुरु आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
