मुंबई : जपान व भारत यांच्यातील चौथ्या संयुक्त नौदल कवायतींना आजपासून अरबी समुद्राच्या उत्तर दिशेला सुरुवात झाली. या कवायती तीन दिवस चालतील.
2012 पासून सुरू झालेल्या या कवायती नियमितपणे दर दोन वर्षांनी होतात. यापूर्वीची कवायत विशाखापट्टणम येथे 2018 मध्ये झाली होती. त्यामुळे दोनही देशांमधील नौदल सहकार्य वाढत असल्याची भावना व्यक्त केली जात आहे. यावर्षीच्या कवायतींमध्ये भारतातर्फे रडारवर न दिसणारी विनाशिका चेन्नई, तेग वर्गातली फ्रीगेट तरक्ष, इंधनपुरवठा करणारा टँकर दीपक आणि पी 8 आय हे समुद्रात लांब पल्ल्याची गस्त घालणारे लढाऊ विमान तसेच हेलिकॉप्टर व नौदलाची लढाऊ विमाने सहभागी आहेत. जपानच्या अत्याधुनिक युद्धनौका देखील या कवायतींमध्ये सहभागी झाल्या आहेत.
दोन्ही देशांच्या वरिष्ठ नौदल अधिकाऱ्यांच्या देखरेखीखाली या कवायती होत आहेत. यात क्षेपणास्त्रे तसेच तोफगोळे डागणे, एकमेकांच्या युद्धनौकांवर हेलिकॉप्टर उतरवणे, युद्धनौका व पाणबुड्यांवर विमानातून हल्ला करणे आदींचा सराव केला जात आहे. सध्याच्या कोरोना फैलावाच्या पार्श्वभूमीवर फक्त समुद्रातच तसेच नौसैनिकांचा एकमेकांशी निकट संपर्क येणार नाही अशा पद्धतीने या कवायती होत आहेत. ही माहिती नौदलाच्या प्रसिद्धी पत्रकात देण्यात आली आहे.
-------------------------------------
( संपादन - तुषार सोनवणे )
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.