Crime News: गोठीवली येथील तलावाजवळ मॉर्निंग वॉकसाठी गेलेल्या एका महिलेच्या गळ्यातील 50 हजार रुपये किंमतीचे मंगळसुत्र अज्ञात लुटारुने खेचुन पलायन केल्याची घटना गुरुवारी सकाळी घडली.
रबाळे पोलिसांनी या घटनेतील लुटारु विरोधात जबरी चोरीचा गुन्हा दाखल करुन त्याचा शोध सुरु केला आहे. या घटनेतील तक्रारदार महिला वंदना साबळे (47) या रबाळे येथील नोसील नाका येथे कुटुंबासह राहण्यास आहेत. वंदना साबळे या दरदिवशी सकाळी 6 वाजता मॉर्निंग वॉकसाठी गोठीवली येथील खदान तलावाजवळ जातात.
गुरुवारी 1 फेब्रुवारी रोजी सकाळी देखील त्या मॉर्निंग वॉकसाठी गेल्या होत्या. यावेळी वॉकींग आणि व्यायाम झाल्यानंतर त्या तेथील कट्टयावर बसल्या होत्या. याचवेळी त्यांच्या पाठीमागील झाडीतून आलेल्या एका लुटारुंने वंदना साबळे यांच्या गळ्यातील 12.5 ग्रॅम वजनाचे 50 हजार रुपये किंमतीचे मंगळसुत्र खेचुन झाडीतुन माऊली हाईट्स सोसायटीच्या दिशेने पलायन केले.
यावेळी वंदना साबळे यांनी आरडा-ओरड केली असता, रस्त्यावरुन चालत जाणाऱ्या त्यांच्या भाच्याने सदर लुटारूंचा पाठलाग केला. मात्र सदर लुटारु त्याच्या हाती लागला नाही. त्यानंतर वंदना साबळे यांनी रबाळे पोलीस ठाण्यात जाऊन तक्रार दाखल केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
