Job Discrimination with Marathi people : मुंबईत कशा प्रकारे मराठी तरुणांना नोकरीची संधी मिळत नाही याबाबत आपण नेहमीच वाचत, पाहत असतो. आता सोशल मीडियावर अशीच एक पोस्ट व्हायरल होत आहे. एका HR रिक्रूटरने लिंक्डइनवर नोकरीची माहिती देणारी पोस्ट केली. मात्र यामध्ये Marathi people are not welcome here असं लिहिल्यामुळे नेटिझन्स संताप व्यक्त करत आहेत.
एका फ्रीलान्स HR रिक्रूटरने मुंबईतील एका कंपनीसाठी ग्राफिक डिझाईनर हवा आहे अशी पोस्ट केली आहे. यासाठी जॉब लोकेशन गिरगाव आहे. तसंच पगार 4.8 LPA एवढा असल्याचं यात सांगितलं आहे.
यानंतर इतर माहितीमध्ये कँडिडेटकडे कोणते स्किल्स असायला हवेत याबाबत माहिती दिली आहे. मात्र यासोबतच मराठी लोकांना अप्लाय करता येणार नसल्याचंही याठिकाणी स्पष्टपणे नमूद केलं आहे. यामुळेच या लिंक्डइन पोस्टचा स्क्रीनशॉट एक्स आणि इतर सोशल मीडिया हँडल्सवर व्हायरल होतो आहे.
एखादी व्यक्ती केवळ मराठी आहे म्हणून तिला नोकरी नाकारणे हा स्पष्टपणे भेदभाव आहे. नेटिझन्स या प्रकारावर नाराजी व्यक्त करत असून, यावर मुंबई पोलिसांनी कारवाई करावी अशी मागणी देखील करत आहेत. यावर अद्याप HR किंवा कंपनीने कोणतीही प्रतिक्रिया दिलेली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.