डोंबिवली : कल्याणातील (Kalyan) कृषी उत्पन्न बाजार समिती इमारतीच्या छतावर असलेल्या एअरटेल मोबाईल टॉवरसाठी (Airtel mobile tower) फिडर पिलरमधून थेट वीज चोरी (electricity robbery) केली असल्याचा प्रकार उघडकीस आला आहे. सहा महिन्यात 56 हजार 150 युनिट वीज (Electricity unit) वापरली गेली असल्याचे उघड झाले असून याप्रकरणी मे. सुयोग टेलेमॅटिक्स विरुद्ध महात्मा फुले चौक पोलीस ठाण्यात महावितरणने गुन्हा दाखल (police Fir) केला आहे.
महावितरणच्या वीजचोरी शोध मोहिमेत शिवाजी चौक शाखा एकचे सहायक अभियंता मोहम्मद आरिफ शब्बीर खान, कर्मचारी विलास गायकवाड यांच्या पथकाने 8 ऑक्टोबर रोजी कल्याण पश्चिमेतील कृषी उत्पन्न बाजार समितीच्या सी टाइप इमारतीच्या छतावरील मोबाईल टॉवरच्या वीज पुरवठ्याची तपासणी केली. याठिकणी अधिकृत वीजजोडणी न घेता विनामीटर थेट वीजवापर होत असल्याचे पथकास आढळून आले.
सुयोग टेलेमॅटिक्स कंपनीने एअरटेल मोबाईल टॉवरसाठी काळ्या रंगाची 40 मीटर केबल वापरून फिडर पिलरमधून थेट व अनधिकृतपणे वीजचोरी केल्याचे तपासणीतून उघड झाले. 18 मे पासून वीज चोरीचा हा प्रकार सुरू असल्याचे निष्पन्न झाले आहे. कंपनीने सहा महिन्यात 8 लाख 19 हजार रुपये किमतीची वीज चोरी केली आहे. त्यानुसार वीज चोरीचे देयक व दंड भरण्याबाबत सुयोग टेलेमॅटिक्सला नोटीस बजावण्यात आली होती.
मात्र कंपनीने रक्कम भरली नसल्याने त्यांच्या विरुद्ध
सहाय्यक अभियंता खान यांच्या फिर्यादी वरून महात्मा फुले चौक पोलिस ठाण्यात वीज चोरीचा गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
