उल्हासनगर - महायुतीचे कल्याण लोकसभेतील शिवसेनेचे उमेदवार डॉ. श्रीकांत शिंदे यांच्या विजयाच्या हाकेसाठी त्यांची आई, मुख्यमंत्री एकनाथ शिंदे यांच्या पत्नी लता शिंदे यांनी उल्हासनगरात धाव घेतली असून, त्यांनी पप्पू कलानी कुटुंबियांची भेट घेतली आहे. लता शिंदे यांनी डॉ. श्रीकांत शिंदे, युथ आयकॉन ओमी कलानी यांच्या दोस्ती का गठबंधनचे कौतुक केले आहे.
लता शिंदे यांनी कलानी महालात पप्पू कलानी, ओमी कलानी, पंचम कलानी, टीम ओमी कलानीचे कमलेश निकम, मनोज लासी, संतोष पांडे, अश्विनी निकम आदींची भेट घेतली.
शिवसेना-भाजपा-राष्ट्रवादी-आठवले गट-पीआरपी-साईपक्ष, बहुतांश व्यापारी, आदी डॉ. श्रीकांत शिंदे यांच्या सोबत आहेत. अशातच ओमी कलानी यांनी त्यांच्या टीम ओमी कलानीच्या वतीने डॉ. शिंदे यांना समर्थन दिलेले आहे. त्यासाठी त्यांनी दोस्ती का गठबंधन असा आगळावेगळा मॅसेज दिलेला असून त्यासाठी 5 हजार स्टिकर्स वाहनांवर चिकटवण्यात आले आहेत.
या दोस्ती का गठबंधनचे लता शिंदे यांनी कौतुक केले असून ज्या रीतीने सर्वच पक्ष डॉ. शिंदे यांच्यासाठी एकवटल्याचे बघून उल्हासनगरातून मोठ्या प्रमाणावर लीड मिळणार असा विश्वास व्यक्त केला आहे.
कलानी कुटुंबिया नंतर लता शिंदे यांनी शिवसेनेचे शहरप्रमुख राजेंद्रसिंह भुल्लर महाराज, युवासेनेचे जिल्हा सचिव विक्की भुल्लर, भाजपचे महेश सुखरामानी, दीपक छतलानी, फर्निचर बाजारातील व्यापारी आदींच्या भेटी घेतल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.